Саха сиригэр киинэ сайдыытыгар үгүс кылаатын киллэрбит РСФСР уонна Саха АССР култууратын үтүөлээх үлэһитэ. Россия, Саха сирин киинематогрфиятын туйгуна, Жараев Иван Спирдинович олуньу 10-р төрөөбүт күнэ.
Кини аатын сүгэр СӨ аудиовизуальнай нэһилиэстибэтин национальнай киинэ ааспыт 2020 сыл түмүгүнэн 35943 ед уч араас, сахабыт сирин суолталаах үтүө түгэннэрэ уһуллубут материаллаах.
Сыл устара 50-н тахса Акт толоруллан 1043 материал государства бас билэр баайа буолла. Тэрилтэбит куйаар ситиминэн, Улуу Кыайыы 75 сылыгар аналлаах инстаграм нөҥүө документальнай киинэлэри көрдөрө.
Атырдьах ыйыгар Жараев И.С. 85 сааһыгар аналлаах анал сэргэни уола Валерий Иванович дьиэ кэргэнэ, өрөспүүбүлүкэтээҕи киинэ бэтэрээннэрин Сэбиэтэ туруорбуттара.
Киинэ музей оскуола оҕолоругар, саастаах дьон сынньанар кииннэригэр бэйэтин фондатыттан киинэлэри көрдөрдө.
Быйыл төрөөбүт нэһилиэгэр Ньурба улууһун Хорулатыгар саҥа тутуллубут култуура киинигэр, тыа сирин модельнай библиотекатыгар И.С.Жараев аата иҥэрилиннэ.
